Hră lăi pơthâo mơ-it nao grup krăo lăng lăi rơđah: Ră anai, Gia Lai hơmâo dưm dăp man pơkra 88 akŏ bruă apui lơtrik apui lơtrik pơplih pơkra phrâo hăng dưi pơđuăi rơbêh 4 klăk 347 rơbâo MW hơmâo: 60 ring bruă drai ia apui lơtrik, 9 ring bruă apui lơtrik hrĭp pơ-iă yang hrơi, 17 ring bruă apui lơtrik mă jua angĭn, laih dong hơmâo rơbêh 3.200 pil apui lơtrik hrĭp pơ-iă yang hrơi dưm hăng bơbung sang. Tơring čar rơkâo hăng Khua dêh čar, Ding jum sĭ mơdrô hăng tuh tia pơkra pơjing, gơnong bruă bơdjơ̆ nao sem lăng, ba nao akŏ bruă apui lơtrik dêh čar rơwang thun 2021-2030 hăng 135 ring bruă apui lơtrik phrâo hăng glông hrĕ apui lơtrik dưi mă yua, hăng dưi pơđuăi abih tih giăm 15.566 MW kiăng pơhưč tuh pơ alin pơđĭ kyar jai hrơi klă tui.

Tơring čar Gia Lai ăt rơkâo Khua pơ ala mơnuih ƀon sang dêh čar git gai pơjing hăng ba tơbiă tơlơi phiăn apui lơtrik pơkra phrâo, rơkâo Kơnuk kơna hrŏm hăng djop ding jum, gơnong bruă tañ hơmâo tơlơi pơkă amăng wai lăng, ngă tui hơdôm hơdră apui lơtrik yua ječ gah akŏ bruă pơđĭ kyar apui lơtrik kiăng ngă akŏ phun pok pơhai ngă tui, pơgôp hơđong kơđi čar, hơđong amăng mơnuih mơnam amăng ƀon lan.