Ngă tui Tơlơi pơtrun mrô 29, tơring čar hơmâo pơhrŏ trun 83 anih pơtô hrăm pơhmu hăng 10 thun hlâo, 80% mrô mơnuih wai lăng, nai pơtô hơmâo pơsit dưi ngă bruă djơ̆ hơnong pơkă hăng rơgao kơ hơnong pơkă. Hrŏm hăng anun, hơdră pơtô hăng hrăm; pơplông, pel ĕp hăng pơtŏng glăi bruă pơtô hrăm hơmâo pơplih mơn; bruă kơsem min boh thâo, pơtrut pơsur čơđai sang hră hăng tơlơi pơmin pơphun bơwih ƀong hơmâo lăp đing nao hloh mơn. 99,6% mrô čơđai djuai ƀiă hơmâo hrăm giong jơlan hơdră pơtô hrăm gưl 1; hơmâo tơlơi Jarai hăng Bahnar.

Khă hnun, hăng tơlơi phara mơ̆ng tơring čar kual čư̆ siăng, 46% mrô čơđai djuai ƀiă; plơi pla dŏ raih daih pơ kual ataih, asuek...jing bruă ngă tui tơlơi pơtrun mrô 29 ăt tơnap tap mơn. Jơlan hơdră pơtô hrăm hơmâo pơphun mơng thun hrăm 2020-2021 aka ƀu pơhlôm djơ̆ hăng hrơi pơkă; tơring čar glăk kơƀah rơbêh 4.500 čô nai pơtô, mơnuih mă bruă. Bruă pơmut hrŏm sang hră tơnap mơn či ngă giong mơtăm; bruă pơtô hrăm bruă aka ƀu djơ̆ hăng tơlơi kiăng mut hrŏm hăng jar kmar ră anai.