VOV4.Jarai - Tlam lơ 1/6, Kông ang tơring čar Gia Lai pơphun jơnum lăng glăi 5 thun ngă tui tơlơi pơtrut pơsur “ Pơjing tơhan kông ang khin hơtai, rơgơi bruă, yua kơ mơnuih ƀon sang”. Tơdơi kơ 5 thun ngă tui tơlơi pơtrut pơsur anai, djop anom bruă, ƀon lan, khul hlăk ai, khul đah kơmơi Kông ang tơring čar Gia Lai hơmâo pơjing, ngă tui rơbêh 200 hơbô̆ bruă.

Khul grup, ƀing mơnuih hơmâo kông ang tơring čar Gia Lai pơpŭ

Lơ̆m anun, hơbô̆ bruă “4 mơta hrŏm” mơng anom bruă pơgang rơnuk rơnua dêh čar hơmâo pơgôp ngă kjăp tui tơlơi rô nao rai, gum pơgôp, pơlir hơbit kơplah wah tơhan kông ang hăng mơnuih djuai ania ƀiă; mơng anun dưi pơtrut pơsur, pơtô hrăm brơi ƀing mơnuih ngă soh glăi dưi pơwŏt glăi hơdip tui hơđăp, mut hrŏm hăng ană plơi pla. Amăng 5 thun laih rơgao, rơbêh 1.000 khul grup, rơbêh 3.600 čô mơnuih mă bruă rơgơi, hơmâo djop gưl pơpŭ hăng hră pơsit mơng Kơnuk kơna.

Siu Đoan: Pơblang