VOV4.Jarai-Mơguah lơ 8/3, Khul khua mua ping gah tơring čar Gia Lai jơnum pơđĭ bruă khua mua. Tui hăng hră pơtrun mơ̆ng Grup khua mua git gai ping gah tơring čar Gia Lai pơblih, pơđĭ bruă khua mua, brơi pơđĭ ơi Dương Minh Đức, ding kơna ping gah tơring čar, Kơ-iăng Khua anom bruă pel ĕp kơđi ping gah tơring čar glăi ngă Khua kơ anom bruă ping gah tơring čar. Thun blan ngă bruă 5 thun yap mơ̆ng lơ 1/3/2022.

Jao hră pơđĭ bruă, ơi Hồ Văn Niên Khua git gai ping gah tơring čar Gia Lai đăo kơnang, hăng bruă mă phrâo ƀing khua mua, mơnuih mă bruă amăng anom bruă ping gah tơring čar, gơgrong kjăp bruă mă, sem lăng, lăi pơthâo, dăp hră pơar tơlơi pơtrun mơ̆ng  Ping gah tơring čar, abih bang mă bruă thâo gum pơgôp, tŭ ư hrom, ngă klă bruă jao. Ăt amăng hơdră jơnum mơguah lơ 8/3 mơ̆n, khua mua apăn bruă ping gah tơring čar Gia Lai hơmâo plĕ hră pơsit lăi pơthâo pơhrua dơ̆ng ding kơna Jơnum min pel ĕp kơđi ping gah mơ̆ng tơring čar rơwang bruă thun 2020-2025 laih anun pơblih glăi bruă mă khua apăn bruă ping gah tơring čar rơwang bruă thun 2020-2025.

Nay Jek: Pơblang