VOV4.Jarai - Tê̆t Nhâm Dần 2022 ƀiă truh laih, bruă pơhlôm hơmâo djŏp gơnam hăng hơđong nua gơnam jing tơlơi yôm phun hơmâo Gơnong bruă pơkra gơnam sĭ mơdrô hăng hơdôm tơring glông, plơi prong, anom bơwih ƀong ƀơi Gia Lai pok pơhai ngă. Tui hăng Gơnong bruă Pơkra gơnam sĭ mơdrô tơring čar Gia Lai, mrô gơnam hơmâo hơdôm anom bruă pơđom lui tui hăng akŏ bruă prăp rơmet amăng hrơi Tê̆t thun phrâo Nhâm Dần amra đĭ năng ai 15% truh kơ 30% pơhmu hăng hơdôm blan pơkŏn.

Hơdôm boh sang siêu thị ƀơi Gia Lai prăp lui lu mơta gơnam laih bơwih brơi arăng blơi amăng hrơi Tê̆t Nhâm Dần.

Kơnong amăng blan giăm tê̆t, him lăng arăng blơi gơnam amra lu tui 30% yua hnun gơnam tam juăt blơi lu hơmâo pơđom lui hơmâo nua năng ai 9.100 klai prăk. Kiăng pơhlôm hơmâo gơnam yua amăng hrơi Tê̆t, Gơnong bruă kiăng abih bang anom bruă, anom bơwih ƀong pok pơhai pơđom lui gơnam juăt yua lu hloh pơhlôm hơđong ƀơi anih sĭ mơdrô, laih dong ƀuăn gơnam juăt yua khŏm pơhlôm anŏ klă, hơmâo hră pơ-ar rơđah rơđông. Prăp lui kơjăp đah mơng dưi găn rơgao hĭ djŏp mơta tơlơi rung răng, tơnap tap ƀơi anih sĭ mơdrô, pơhlôm pơgang klin Covid-19 dong.

Siu H’Mai: Pơblang