Anai lĕ boh tơhnal ƀuh hơmâo rơđah pơblih phrâo bruă mă ngă hră pơar amăng tơring čar, dưi lăi pơthâo amăng mông jơnum yua Jơnum min mơnuih ƀôn sang tơring čar Gia Lai pơphun. Thun 2025, tơring čar hơmâo jŭ yap abih bang hơdră ngă hră pơar, pơhrŏ hĭ ha mơkrah mông mă bruă pơsir hră pơar, djơ̆ tơhnal pơkă mơ̆ng kơnuk kơna jao. Lăp đing nao hloh, hrơi blan ngă hră pơar pơdjơ̆ nao tuh pơ alin, man pơdong, lŏn mơnai ngă hră tañ hloh; hăng gah rơngiao bruă tuh tia pơkra ming lĕ ngă hră năng ai dŏ glăi 60 hrơi, lơ̆m anun gah tơlơi bơwih ƀong huă dŏ 38 hrơi.

Hrơi mông mă bruă ngă hră pơar rơkâo sĭ mơdrô dŏ glăi 3 hrơi, ră anai trun dŏ 3 mông đôč giong yơh. Gia Lai jing tơring čar pok pơhai djop mơta hơdră ngă hră pơar  ƀu gun kơ tơlơi pơkă guai ôh; laih dơ̆ng pơtrut kơtang hơdră pơpha tơlơi dưi, jao bruă hăng ngă hră pơar  ƀu apah prăk, pơhrŏ rơnoh apah prăk ngă hră pơar online. Yua kơ anun, mrô hră pơar mơ-it online hơmâo truh 95%, mrô hră pơar pơsir giong brơi glăi truh 98%. Hăng boh tơhnal anai, mrô rơnoh pơkă bơwih brơi mơnuih ƀôn sang hăng sang bruă mơdrô ƀơi Gia Lai yap dong tal 2 amăng dêh čar, jing khul hơdôm tơring čar pơsir bruă ngă hră pơar klă hloh kơ mơnuih ƀôn sang.