Ƀơi Gia Lai, mơguah lơ 27/6, Anom bruă  tơdăm dra mut phung tơring čar Gia Lai jơnum pơphun brơi hlăk ai mă bruă djru hơdră lăi pơthâo gum pran jua bơyan pơplông thun 2023 hăng khul grup tơdăm dra pơyơr pran jua djru ba ƀơi 40/41 boh anih pơplông. Bruă ngă anai hơmâo 310 čô mơnuih pơyơr pran jua gum hrŏm mơ̆ng lơ 27/6 truh abih lơ 29/6, hăng boh yôm phum djru, gum ba ƀing čơđai sang hră tơnap tap.

Lăi pơthâo anih dŏ, sang jưh tuai, sang apah anih dŏ rơgêh ƀiă, anih huă ƀong kiăng pơhlôm hơdjă rơnuk rơnua, djru ia mơñum huăi apah prăk kơ čơđai sang hră hăng mơnuih amăng sang anŏ nao hrŏm; pơgiăng čơđai sang hră pơplông mơ̆ng anih dŏ nao pơ anih pơplông, djru lăi pơthâo jơlan nao kiăng gêh găl. Ngă hrŏm tơhan djop anom bruă kơnuk kơna pơtô brơi, pơpha glông jơlan nao kiăng huăi kơđông, rơnuk rơnua amăng anih pơplông.