VOV4.Jarai - Mơguah lơ 1/6, Gơnong bruă gru grua bơkơjăp drơi jăn hăng tuai čuă ngui tơring čar Gia Lai ngă hrŏm hăng hơdôm anom bruă bơdjơ̆ nao pơphun Jơnum hrơi Olympic čơđai hăng pơphun jak iâu abih bang pơhrăm luai ia, pơgang tơlơi truh djai ƀlung ia thun 2022. Hrơi pơphun bruă hơmâo rơbêh 200 čô khua mua, mơnuih mă bruă, ling tơhan, hlăk ai tơdăm dra hăng ƀing čơđai sang hră nao pơhmư̆.

Pơphun jak iâu abih bang hrăm luai ia, pơgang djai ƀlung ia thun 2022 ƀơi Gia Lai.

Tui hăng Gơnong bruă gru grua bơkơjăp drơi jăn hăng tuai čuă ngui Gia Lai, ƀlung ia glăk jing phun tơhnal ba truh tơlơi djai brŭ ƀơi ƀing čơđai hăng hlăk ai ƀơi tơring čar. Mơng akŏ thun 2021 truh ră anai, tơring čar hơmâo laih 39 wơ̆t tơlơi truh, ngă 42 čô čơđai sang hră djai, pioh glăi tơlơi rơngôt, ruă pran jua ƀơi lu sang anŏ. Ƀơi mông jơnum, ƀing čơđai hơmâo ƀing nai pơtô ba tơlơi hrăm: djru mơnuih lơ̆m ƀlung ia, hơdôm tơlơi kiăng thâo lơ̆m djru mơnuih rơbuh rơbeč rơka rơkač.

Siu H’Mai: Pơblang