Lu bruă mă ngui ngor gru grua hiam, ĕp lăng găn rơgao dŏ hrŏm ĕp bruă mă gru grua hiam phara tui gru đưm, amăng 3 hrơi pơphun lĕ jing anih pơdơi pơdă kơ lu tuai rơnguai nao ngui rơnuč hrơi kom. Hrơi mơak tuai čuă ngui ƀơi tơring glông Kƀang lĕ mông gêh găl pơdă sang čơ sĭ mơdrô hăng 148 čơgăn gơnam sĭ mơdrô boh troh mơ̆ng đang hmua, gơnam pơkra ming mơnong ƀong huă mơ̆ng đang hmua ƀơi tơring glông kah hăng hơbơi sâm mơ̆ng glai, bơmao, ia hni, ia hơdom mriă, asar boh khuih makka, braih điŏ mriah juăt ñar hêm, braih Sơpai, bui jrai ƀudah bui, un jŭ juăt pia...

Rơngiao kơ anun, hơmâo tơlơi ngui ngor pơdah atông čing ring hơgor, pơdah bruă ngă yang đưm mơ̆ng djuai ania Bahnar; kiăng ĕp lăng, bruă mă krih mơñam rơ-čơkua, rêu ro, trah rup, ngă gŏk, mơñam mrai đưm..... Biă mă ñu, pơ anai ƀing tuai hyu ngui amra ĕp lăng glai glô anih hơkrŭ đưm pơ drai ia K50 hiam biă mă, drai ia amăng rơ-ưng čim dŭng, ĕp lăng gru grua phun dêh čar, anih hơkrŭ kual mrô 10; ĕp lăng tơlơi hơdip mơda bruă mă mơ̆ng mơnuih ƀôn sang djuai ania Bahnar ƀơi plơi Stơr, să Tơtung, plơi Mơhra-Dap, să Kông Lơng Khơng, plơi Kon Bông, să Đak Krong....