Tui sem lăng mơng mông jơnum, amăng ha mơkrah rơwang thun mă bruă 2020-2025, tơlơi bơwih ƀong huă-mơnuih mơnam amăng tơring čar dŏ lu tơlơi tơnap tap. Samơ̆, abih tih gơnam pơkra amăng tơring čar ăt đĭ 9,1% pơhmu hăng thun 2020, rơgao 8,6% mơ̆ tui tơlơi pơtrun ba tơbiă. Sĭ mơdrô pơ tač rơngiao mơng tơring čar, sit biă ñu sĭ mơdrô gơnam đang hmua hơmâo đĭ tui, thun tơdơi lu ƀiă thun hlâo, hăng rơnoh đĭ dưm dưm 6,92% rĭm thun. Jơnum ăt lăi nao tơpă hơdôm anŏ aka ƀu klă, bruă mă mơng ƀing apăn bruă Ping gah. Bruă dưm dăp man pơdong amăng tơring čar rơwang thun 2021-2030, anăp nao truh thun 2050 dŏ kaih pơhmu hăng hơnong pơkă ba tơbiă.

Amăng mông jơnum, ƀing khua mua pơčrông sai, ba tơbiă hơdôm hơdră bruă kiăng pơgiong hơdôm hơnong pơkă mơ̆ tơlơi pơtrun Ping gah tơring čar ba tơbiă. Tui ơi Nguyễn Anh Dũng- Ding kơna Ping gah tơring čar, Khua apăn bruă Ping gah, Khua gơnong bruă prăk kak tơring čar Gia Lai, amăng hơdôm hơdră bruă ba tơbiă brơi ha mơkra rơwang mă bruă pơ anăp 2020-2025, tơring čar kiăng đing nao gum djru hơdôm anom bơwih ƀong sĭ mơdrô, pơtrut bơwih ƀong sĭ mơdrô.