VOV4.Jarai - Mơguah lơ 29/8, ƀơi plơi prong Pleiku, Anom pơtô bruă Ping gah tơring čar Gia Lai ngă hrŏm hăng Phun kông ti Tân cảng Sài Gòn, Tơhan ia rơsĭ pơphun pơplông hơduah ĕp tơlơi thâo hluh kơ ia rơsĭ, bul ia rơsĭ Việt Nam hăng 40 thun Hră Công ước Sang gum hơbit djŏp dêh čar kơ Tơlơi phiăn ia rơsĭ thun 1982 hơmâo pơphun pơplông ruah mă tơlơi djơ̆ arăng iâu trắc nghiệm online, hơmâo 7 wơ̆t, dua wơ̆t hrơi tơjuh ha wơ̆t, sui truh lơ 2/12 thun anai.

Pơphun hơduah ĕp tơlơi thâo gah ia rơsĭ, bul pơtâo ia rơsĭ Việt Nam hăng 40 thun Hră Công ước Sang gum hơbit djŏp dêh čar kơ Tơlơi phiăn ia rơsĭ thun 1982.

Pô pơplông lĕ ƀing khua, mơnuih mă bruă kơnuk kơna, hlăk ai, čơđai sang hră, tơhan blah ngă hăng abih bang mơnuih ƀon sang amăng dêh čar. Tơlơi pơplông anai kiăng ƀing ta thâo hluh hloh, biă ñu lĕ ƀing hlăk ai thâo hluh kơ ia rơsĭ, bul pơtâo ia rơsĭ Việt Nam ta, thâo tơlơi yôm mơng ia rơsĭ, bul pơtâo ia rơsĭ amăng bruă akŏ pơdong hăng pơgang Lŏn ia.

Siu H’Mai: Pơblang