Tui hăng hơdrôm hră čih anăn lăi pơthâo yua kơ Anom bruă Hơduah ĕp tuh pơ alin hăng ngă hrŏm mơ̆ng tơring čar Gia Lai pôr, amăng mrô 138 kơčăo bruă anun, hơmâo 24 kơčăo bruă brơi khom juă nua či mă bruă, kiăng ngă hră dưi yua lŏn.

Lăp đing nao, lu kơčăo bruă pơprong hơmâo ba tơbiă khom juă nua či mă bruă, amăng kual tong krah plơi prong hăng ƀơi anih gêh găl pơđĭ kyar. Ƀơi Plei Ku hơmâo anih pơdong plơi phrâo CK54 đơ đam prong truh 65,8 hektar hăng kual plơi phrâo djă pioh kyâo glai hnơ̆ng hnăi Trà Đa rơhaih 53 hektar. Rơngia kơ anun, hơmâo anih pơdong plơi pla anih mơnuih ƀôn sang dŏ să Đưk Kơ 12,21 hektar hăng să Cát Tiến 15 hektar. Hăng bruă pôr pơthâo anăn tơhnal pơkă yua lŏn amăng kơčăo bruă anai, tơring čar čang rơmang mă yua lŏn mơnai djơ̆ lăp, ba glăi boh tŭ yua, pơtrut bơwih ƀong huă pơđĭ kyar mơnuih mơnam, ngă giong hơdră man pơdong plơi pla phrâo hiam, anih anom sĭ mơdrô, bơwih bơwăng hăng čơkă tuai amăng tơring čar kơñ pơgi anai.