VOV4.Jarai - Hlâo kơ hrơi mut hrăm thun hrăm phrâo 2022-2023, gơnong bruă pơtô pơjuăt Gia Lai glăk pok pơhai ha amăng plĕ lu hơdră bruă kiăng pơhlôm djop nai pơtô, sit biă ñu ƀing nai pơtô hơdôm tơlơi hrăm amăng jơlan hơdră pơtô hrăm phrâo hăng hơdôm anih hrăm 3, 7 hăng anih 10. Tui hơduah ĕp mơng gơnong bruă pơtô pơjuăt tơring čar Gia Lai, thun hrăm 2022-2023 anai, tơring čar kơƀah 3.414 čô nai pơtô hluai tui mrô čơđai hrăm.

Kiăng kơ pơhlôm djop nai pơtô amăng thun hrăm phrâo, hơdôm tơring glông, plơi prong amăng tơring čar Gia lai glăk pok pơhai bruă pơtô tui hră kĭ pơkôl, ĕp phrâo nai pơtô tơlơi Angle; gơnong bruă pơtô pơjuăt pơphun pơtô hrăm brơi nai pơtô kom puter gưl sa kiăng kơ pơhlôm djơ̆ hăng tơlơi kiăng pơ anăp anai. Laih dong, tui tơlơi git gai mơng Jơnum min mơnuih ƀon sang tơring čar Gia Lai, djop ƀon lan glăk gum hrŏm hăng gơnong bruă pơtô hrăm tŏ tui pơtrut tañ bruă pơgôp glăi, pơmut hrŏm kiăng kơ hơbot.

Siu Đoan: Pơblang