Anai lĕ sa bôh yôm dưi ba tơbiă tơña amăng mông Jơnum Khul khua pơ ala mơnuih ƀôn sang tơring čar Gia Lai mơguah lơ 1/10. Tui hăng tơlơi lăi pơthâo glăi mơ̆ng Jơnum min mơnuih ƀôn sang tơring čar Gia Lai, truh ră anai mrô pơsir ngăn rơnoh mă yua kơ bruă hrŏm mơ̆ng tơring čar phrâo hmâo mă 31,2%, ƀiă hloh rơnoh hơnong ñu mơ̆ng đơ đam dêh čar.

Lu anih anom, gơnong bruă, anom bruă rơnoh bruă pơsir prăk mă yua kơ bruă hrŏm kaih. Amăng anun, Gơnong bruă đang hmua hăng pơđĭ kyar ƀôn lan tơring čar, Gơnong bruă ia jrao, Gơnong bruă bôh thâo, bơkơjăp drơi jăn hăng tuai čuă ngui, mrô pơsir ngăn drăp akă truh 10%. Hơdôm bôh than ba truh phun ngă kaih biă ñu yua kơ gun bruă pơ ala glăi lŏn mă yua, pơsir anih anom pơdŏng, kơƀah gơnam man pơdŏng; lu rơwang bruă ăt glăk amăng rơwang prăp lui tuh pơplai ƀudah khom pơplih pơkra./.