Gia Lai pơtrut tui tơlơi gơgrong bruă mơ̆ng hlăk ai tơdăm dra amăng mă yua boh thâo mrô
Thứ ba, 15:52, 06/01/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Jơnum min mơnuih ƀôn sang tơring čar Gia Lai phrâo pơtrun akŏ bruă “Pơtrut tui tơlơi gơgrong bruă mơ̆ng hlăk ai tơdăm dra amăng mă yua boh thâo mrô rơwang thun 2026-2030”, kiăng ba tơlơi thâo rơgơi, mă yua boh thâo mrô jê̆ giăm hăng ană plơi pla, anom mơdrô amăng plơi mơtăm.
Tui anun, hăng hơdră ngă bruă “Nao tơl sang phang tơl adring, pơtô brơi rim čô”, hlăk ai tơdăm dra hơmâo pơsit jing khul yom biă, djru ba ană plơi mă yua boh thâo mrô amăng plang ngă hră online, VNeID, tla prăk ƀu kiăng prăk mơta, hăng pơhlom rơnuk rơnua amăng plang internet.
Gia Lai kiăng truh thun 2030, 100% boh să, phường akŏ pơdong hăng bong kjăp Grup boh thâo mrô amăng plơi; hơmâo anih ngă bruă ƀơi sang jơnum plơi ƀudah ƀơi sang să či djru brơi mơnuih ƀôn sang mă yua plang pơmut anăn điện tử mrô 2. Kơčăo bruă ăt pok pơhai “să nao hlâo gah boh thâo ia rơgơi, pơčeh phrâo hăng mă yua boh thâo mrô”, hơmâo ruah mă 30 boh să, phường amăng thun 2026 ngă lăng hlâo, mơ̆ng anun pok prong amăng đơ đam tơring čar mơtăm.
Viết bình luận