Bơni hăng lăng yom tơlơi gir run găn rơgao lu tơlơi tơnap hăng pơgôp prong kơ dêh čar mơ̆ng Anom bruă prăk kăk, amăng bruă pơtrut pơđĭ kyar tơlơi bơwih ƀong huă mơnuih mơnam dêh čar thun 2025, Khua dêh čar klah čun boh pơhiăp pơtă pơtăn dŏ 32 boh pơhiăp kiăng lăi “Lăi pơthâo djơ̆-Sang bruă ƀiă rơguăt-Tơlơi phiăn pơkă djop-Pơhrui yua prăk rơbêh-Anom mơdrô pơblih phrâo-Lăng abih bang hơđong-Plơi pla hyuk hyak-Lŏn ia pơđĭ kyar”.

Thun 2026, Khua dêh čar jao kơ anom bruă Prăk kăk pok pơhai hơdră mă bruă anăp ngă hrŏm” “Anŏ kiăng kơtang tui-Prăk kăk yua hơđong”. Khua dêh čar pơtrun hiăp kơ anom bruă prăk kăk khom nao hlâo pơblih phrâo tơlơi pơmin git gai bruă mă, thâo pơčeh phrâo pơtrut pơđĭ kyar; lăi pơthâo pơhlom rơnoh prăk, kông ngăn kơ dêh čar khom djơ̆, tŭ yua, ngă hrŏm, djru ba pơđĭ tui 2,3 klăk boh sang anŏ sĭ mơdcrô anet pơblih nao hơdră phrâo gêh găl hloh, lăng anai jing atur pioh kơ gơñu hrưn đĭ pơđĭ kyar jing sang bruă mơdrô prong hloh, tui hăng Hră pơtrun mrô 68 pơkă. Khua dêh čar đăo kơnang, anom bruă prăk kăk amra ngă pô gơgrong phun, ngă giong bruă jao klă hloh amăng thun 2026, ngă hruaih brơi djop mơta jing pran kơtang gah prăk kăk či yua pioh, pơtrut tơlơi kiăng mă bruă dưi ngă tui sit nik, jing anŏ hrưn đĭ kơjăp, djru lŏn ia ta yak nao amăng rơnuk đĭ kyar phrâo.