6 blan thun 2023, bruă bơwih ƀong huă, mơnuih mơnam amăng tơring čar hơmâo lu tơlơi truh kih. Rơnoh pơđĭ kyar bơwih ƀong huă amăng tơring čar dưm dưm 5,54%, rơnoh sĭ mơdrô pơ tač rơngiao giăm 420 klăk đôlar Mi, đơ đam tơring čar hơmâo 490 anom bơwih ƀong sĭ mơdrô phrâo akŏ pơjing.

Jơnum min mơnuih ƀon sang tơring čar tŭ yap tơlơi črâo trun tuh pơ alin brơi 15 akŏ bruă hăng abih tih nua ñu 1.615 klai prăk. Pơ anăp anai, kiăng pơhlôm bruă jao prăk tuh pơ alin man pơdong, Jơnum min mơnuih ƀon sang tơring čar Gia Lai rơkâo djop gơnong bruă, anom bruă, ƀon lan, anom bruă tuh pơ alin ječ ameč pơgiong hră pơ-ar tuh pơ alin, pơtrut tañ bruă pơhrui glăi lŏn mơnai hăng man pơdong plơi pla phrâo kiăng tañ hơmâo lŏn man pơdong; pơjing hơdră bruă brơi tong ten amăng rĭm ring bruă. Kiăng rang kơđiăng, kjăp phik, pơsir khut khăt bruă ngă soh, pơgăn ngă kaih bruă jao prăk tuh pơ alin.