VOV4.Jarai - Tơdơi kơ 2 wŏt hrơi tơjuh brơi čơđai djop gưl pơwŏt glăi nao sang hră, gơnong bruă pơtô pơjuăt tơring čar Gia Lai ƀuh rơbêh 1.000 čô čơđai hăng nai pơtô ƀă klin Covid-19. Ră anai, djop sang hră amăng đơ đam tơring čar hrŏm hăng ngă tui khut khăt hơdôm tơlơi pơkă amăng pơgang klin, ăt pơplih hơdeč hmar amăng bruă pơtô hrăm.

Nai pơtô hăng ƀing čơđai ƀơi plơi prong Pleiku pơčrang lăng hlâo kơ mut hrăm

Ră anai, djop sang hră amăng đơ đam tơring čar tŏ ngă tui hơdôm tơlơi pơtă pơtăn mơng gơnong bruă ia jrao hăng črâo gơnong bruă ia jrao amăng bruă pơgang klin ƀơi djop sang hră. Ƀing mơnuih F0 amra ngă tui hơdôm hơdră pơčlah hăng mơnuih ƀă klin laih dong brơi hơdôm anih hrăm hơmâo čơđai F0 hơdai nao hrăm lăng nao rai mơng ataih amăng 1 wŏt hrơi tơjuh. Pơ anăp anai, tui tơlơi git gai mơng gơnong bruă pơtô pơjuăt, djop sang hră tŏ tui pơtô pơblang brơi klă hloh kơ ƀing amĭ ama kiăng kơ gum hrŏm amăng bruă pơhlôm pơgang klin, laih dong tŏ tui bruă pơtô hrăm.

Siu Đoan: Pơblang