VOV4.Jarai - Mơmŏt lơ 26/7, ƀơi pơsat dor tơhan djai pơsăn drơi tơring čar, Jơnum min mơnuih ƀon sang tơring čar Gia Lai pơphun mông tŭi ñang hăng apui hlin pioh hơdor tơhan djai pơsăn drơi. Amăng mông hơ-ŭ hơdor anun, ƀing khua mua hrŏm hăng ƀing hlăk ai amăng tơring čar Gia Lai pơdah pran pơpŭ bơni, dưm guang bơnga, tŭi ñang, pioh hơdor hơdôm tơlơi gum pơgôp prong prin mơng tơhan sông kơtang djai pơsăn drơi yua kơ tơlơi rơnuk rơnua, rơngai lŏn ia, yua kơ bruă djru pơjing hăng wai pơgang lŏn ia.

Tơhan hơđăp nao tŭi ñang pioh hơdor tơhan djai pơsă drơi

Tơdơi kơ mông hơ-ŭ hơdor, ƀing khua mua amăng tơring čar, djop anom bruă, gơnong bruă, Khul grup, ling tơhan, khul hlăk ai, abih bang mơnuih ƀon sang hơmâo nao tŭi ñang, apui hlin hăng dưm guang bơngia ƀơi hơdôm pơsat tơhan djai pơsăn drơi.

Siu Đoan: Pơblang