VOV4.Jarai - Tơring čar Gialai ră anai hmâo rơbêh kơ 12.000 čô mơnuih djru ngă hơkrŭ đưm glăk čơkă mă prăk djru. Ƀrô djơ̆ tal hơdor glăi 75 thun hrơi ling tơhan rơka ruă pơsăn drơi (27/7), hrom hăng gơnam brơi mơng Khua mir sir dêh čar lĕ rơbêh kơ 3 klai 600 klăk prăk, Jơnum min mơnuih ƀôn sang tơring čar Gialai hmâo mă yua laih rơbêh kơ 1 klai prăk pioh pơphun hyu tơña bla hăng brơi gơnam kơ hơdôm bôh sang anô̆ gah hơdră bruă gum djru hăng mơnuih djru ngă hơkrŭ đưm.

Khua tơring čar Gialai nao čuă tơña bla Amĭ Việt Nam Sông kơtang ƀrô djơ̆ tal hơdor glăi 75 thun Hrơi ling tơhan rơka ruă pơsăn drơi

Amăng anun ling tơhan rơka ruă, mơnuih djru ngă hơkrŭ đưm, ling tơhan sông kơtang amăng rơnuk blah ngă, ling tơhan rơka ruă, mơnuih djru ngă hơkrŭ đưm čơkă mă gơnam hmâo nua 300 rơbâo prăk. Ƀing Amĭ Việt Nam sông kơtang, ling tơhan rơka ruă ƀu thâo mă bruă rơbêh kơ 81%, sang anô̆ ling tơhan pơsăn drơi tơnap tap čơkă mă anung gơnam hmâo nua 600 rơbâo prăk./.

Siu H’ Prăk: Pơblang