VOV4.Jarai - Ƀơi plơi prong Pleiku, Grŭp črâo ba pơsur brơi drah tơring čar Gialai pơphun Jơlan hơdră “Brơi drah – Pơtlaih brơi mơnuih ruă” thun 2022. Anai lĕ thun tal 7 tơring čar Gialai ngă tui jơlan hơdră “Djru drah – Pơtlaih brơi mơnuih ruă”.

Hăng tơlơi pơhing “Rim tơdjoh drah brơi lĕ, sa tơlơi hơdip dô̆ glăi” mông brơi drah gum djru tal anai ngă pơhư̆č rơbêh kơ 800 čô mơnuih apăn bruă, mơnuih mă bruă, mơnuih amăng khul hlăk ai hăng lu mơnuih ƀôn sang gum hrom. Hlâo kơ anun dưi mă drah, hơdôm mơnuih gum hrom brơi drah leng dưi pel ĕp lăng tơlơi suaih pral tŏng teng, hăng ngă tui hơdôm tơlơi pơkă pơgang pơgăn klin ruă./.  

Siu H’ Prăk: Pơblang