VOV4.Jarai - Rơwang hrơi tơjuh pioh hơdor glăi 90 thun Hrơi akŏ pơjing tơring čar Gia Lai him lăng pơphun mơng lơ 19/5 truh abih lơ 25/5/2022, hăng hơdôm bruă mă anun lĕ: čơkă mă hăng lăi pơthâo anŏ yôm mơng lŏn mơnai rơhuông adai, anih djă pioh gru grua amăng tơring čar; mông jơnum “Pơlir hơbit kual Dap kơdư” hăng anăn “Pơtrut pơđĭ kyar bruă ngă hmua hơđong kjăp ƀơi kual Dap kơdư hăng pơlir rơnoh yôm mơng gơnam đang hmua”, “Jơnum pơsur tuh pơ alin tơring čar Gia Lai”, “Jơnum pơdă prưng gơnam sĭ mơdrô hăng lăi pơthâo gơnam tui OCOP ƀơi kual Dap kơdư - Gia Lai”.

Jơnum hăng ƀing mă tơlơi pơhing phrâo kơ bruă pioh hơdor 90 thun hrơi akŏ pơjing tơring čar Gia Lai

Amăng hơdôm hrơi pơphun anai, Jơnum pơsur tuh pơ alin amăng tơring čar hơmâo prap lui tong ten. Ơi Nguyễn Hữu Quế - Khua gơnong bruă kơčăo bruă tuh pơ alin tơring čar Gia Lai brơi thâo: Kiăng pơlir hơbit amăng kual Dap kơdư hăng pơtrut pơđĭ kyar hơđong kjăp, tơlơi gơgrong mơng anom bruă tuh pơ alin lĕ yôm phăn biă mă. Yua anun. Gia Lai glăk gir run pơplih bruă ngă hră pơ-ar, gum hrŏm hăng anom bơwih ƀong sĭ mơdrô pơsir hĭ tơnap tap, ngă gêh gal  amăng tuh pơ alin bơwih ƀong sĭ mơdrô kiăng čơkă lu dong anom bơwih ƀong sĭ mơdrô pơkŏn mut nao tuh pơ alin amăng tơring čar.

Siu Đoan: Pơblang