VOV4.Jarai - Hơdôm hrơi jê̆ hăng anai, nua ia xăng, ia jâu hmâo pơkra ming laih hrŏ trun 3 wot, khă anun hai nua lu mơta gơnam kiăng yua hloh ƀơi Gialai ăt ƀu trun mơn hăng akă hmâo gru nam trun nua ôh. Siêu thị Coopmark Pleiku brơi thâo, ƀơi anăp tơlơi pơplih phrâo mơng nua ia xăng ia jâu, anih anom sĭ mơdrô siêu thị hmâo gum hrom laih hăng hơdôm bơnah pơkra sĭ gơnam kiăng hmâo kơčăo bruă hrŏ trun nua pơ̆ anăp anai kơ hơdôm mơta gơnam anai.

Khul wai lăng bruă sĭ mơdrô tơring čar Gialai pel ĕp anô̆ klă gơnam kiăng pơgăn gơnam ngă mă ča ƀu klă hiam

Kiăng wai lăng anih anom sĭ mơdrô, pơgăn hơdôm bruă ngă soh phiăn amăng bruă sĭ mơdrô, hrom hăng anun ngă hơđong nua sĭ mơdrô gơnam tam, Anom wai lăng anih anom  sĭ mơdrô tơring čar Gialai hrom hăng hơdôm gơnong bruă bơdjơ̆ nao kơtư̆n pel ĕp, lăng tui bruă sĭ mơdrô. Biă ñu, anom đing nao pel ĕp, wai lăng hơdôm mơta gơnam kiăng yua hloh pioh pơhlôm bôh tŭ yua kơ mơnuih blơi yua, djru djă hơđong anih anom sĭ mơdrô gơnam tam./.

Siu H’ Prăk: Pơblang