VOV4.Jarai - Lơ 4/3, Khul pơlir hơbit đah kơmơi tơring čar Gialai pơphun ngă lơphet pok phun anăn ñu thun 2022 hăng Bruă pơplông hơduah ĕp Tơlơi pơtrun pơsit Jơnum khua pơ ala đah kơmơi đơ đam dêh čar tal 14 (rơwang bruă 2021-2026). Ngă tui tơlơi črâo ba mơng Khul pơlir hơbit đah kơmơi Việt Nam, thun 2022, Grŭp mă bruă Khul pơlir hơbit đah kơmơi tơring čar Gialai ruah anăn “Pơplih phrâo, pơčeh phrâo amăng pok pơhai hăng pơphun ngă tui Tơlơi pơtrun pơsit Jơnum khua pơ ala đah kơmơi hơdôm gưl” kiăng pok pơhai amăng đơ đam tơring čar.

Amăng rơwang jơlan hơdră,  Khul pơlir hơbit đah kơmơi tơring čar Gialai hmâo pơphun bruă pơplông “Hơduah ĕp Tơlơi pơtrun pơsit Jơnum khua pơ ala đah kơmơi tơring čar Gialai tal 14 (rơwang bruă 2021-2026)”. Bruă pơplông pơphun mơng hrơi anai lơ 4/3 hăng pơđut amăng lơ 4/8, dưi pơphun tui hơdră lăng nao rai mơng ataih, rim blan sa tal. Tơlơi pơhing kơ tơlơi tơña, lăi glăi hăng bôh tơhnal hơdôm tal pơplông dưi čih amăng plăng pơhing điện tử mơng Khul pơlir hơbit đah kơmơi tơring čar Gialai. Mơnuih apăn bruă, mơnuih amăng khul, đah kơmơi hăng hơdôm gưl mơnuih ƀôn sang ră anai glăk dô̆ hơdip mơda, mă bruă hăng hrăm bruă ƀơi tơring čar leng kơ dưi gum hrom pơplông./.

Siu H’ Prăk: Pơblang