Thun anai, tơring čar Gia Lai hơmâo 2.847 čô hlăk ai ƀơi 17 boh tơring glông, plơi prong ƀơi tơring čar Gia Lai nao ngă tơhan. Amăng mrô anai, 56% jing mơnuih djuai ania ƀiă, 479 čô mơnuih čih hră rơkâo nao ngă tơhan, 72 čô mơnuih hrăm gưl prong. Mơ̆ng rơnuč thun 2023 hăng akŏ thun anai, Khul ruah mơnuih ngă tơhan tơring čar Gia Lai ngă hrŏm hăng hơdôm boh tơring pơphun nao čuă jơmư, brơi gơnam kơ sang anŏ hơmâo hlăk ai ngă tơhan amăng tal anai. hơdôm boh tơring hơmâo prăp lui giong laih bruă jao tơhan.