VOV4.Jarai - Hrŏm hăng dêh čar ta, mơguah lơ 16/2, giăm 9.000 čô hlăk ai rơgơi mơbruă ƀơi 5 boh tơring čar kual Dap Kơdư nao ngă tơhan, pơgang ba lŏn ia ta. Amăng anun, tơring čar Dak Lăk hơmâo 2.500 čô hlăk ai nao ngă tơhan, 427 čô hlăk ai ngă tơhan kông an. Tơring čar Lâm Đồng hơmâo 1.150 čô hlăk ai mut ngă tơhan. Anai lĕ ƀing hlăk ai hơmâo ruah mơng 12 boh tơring glông, plơi prong amăng tơring čar.

Hrơi jao čơkă tơhan kơdrưh kơ-ang pơhlôm rơnuk rơnua pơgang klin Covid-19.

Hrơi jao čơkă tơhan pơphun kơdrưh kơ-ang ƀơi hơdôm kual plơi pla, pơhlôm rơnuk rơnua hăng hing ang. Tơring čar Dak Nông hơmâo rơbêh 1.000 čô hlăk ai nao ngă tơhan; amăng anun hơmâo giăm 900 čô mơnuih ngă tơhan ƀô̆ đô̆i, rơbêh 100 čô ngă tơhan kông an mơnuih ƀon sang, amăng anun lu hloh lĕ hlăk ai djuai ƀiă. Tơring čar Gia Lai tal anai hơmâo 2.656 čô hlăk ai mut ngă tơhan, amăng anun hơmâo rơbêh 60% lĕ mơnuih djuai ƀiă, hăng 22 čô lĕ mơnuih ping gah.

Siu H’Mai: Pơblang