VOV4.Jarai - Mơguah lơ 11/2, ƀơi jơlan 58 Quán Sứ, Hà Nội, Gong phun pơtui jua pơhiăp Việt Nam pơphun ngă Lơphet hơdor glăi Hrơi pôr pơhing Rŏng lŏn tơnah hơmâo anăn “Pôr pơhing hăng tơlơi đăo gơnang” laih anun jơnum bơkơtuai yôm kơ tơlơi gơgrong bruă hăng jơlan pơđĭ kyar mơng bruă Pơtui jua pơhiăp amăng rơnuk anai kiăng bruă pôr pơhing hơmâo mơnuih pơhmư̆ đăo gơnang. Ƀơi mông jơnum, ƀing kơhnâo mơng dêh čar ta hăng jar kmar pơsit, bruă pôr pơhing ăt jing tơlơi pơhing tañ, sit, pôr pơhing kơ abih bang, samơ̆ ăt kiăng pơtrut tui dong mơn anŏ kơtang phara ñu đah mơng ngă pơhưč mơnuih pơhmư̆. Hăng tơlơi pơđĭ kyar mơng măi mok, boh thâo phrâo, pôr pơhing ăt pơsit brơi kơ anŏ phara hăng lu hơdră pôr pơhing, lu tơlơi pơhiăp, pơkra rai tơlơi pơhing phara lĕ yua hơmâo mơng mơnuih pôr pơhing. Ƀing kơhnâo apăn bruă pôr pơhing lăi, hră pơhing lăi hrŏm hăng pôr pơhing pơtui jua pơhiăp kiăng pơplih mă pô, pơtrut đĭ hơdôm tơlơi kơtang mơng ñu, pôr pơhing tañ, sit, arăng dưi đăo gơnang, biă ñu ngă pơhưč đah mơng hơmâo mơnuih ƀon sang hmư̆ lu.

Siu H’Mai: Pơblang