Hơdôm hrơi rơgao, ayuh hyiăng ƀơi Dak Lak pơ-iă hang kơtang, hơnong ñu truh rơbêh kơ 32 đô̆, hăng pơkă lăng hlâo pơ-iă hang amra dô̆ sui. Tui hăng Sang bruă apui lơtrik Dak Lak, yua kơ tơlơi kiăng yua măi ngă rơ-ơ̆ lu, mrô apui yua kơ sang anô̆ đĭ lăp yap ba.

Kiăng bĕ tơlơi prăk apui đĭ lu hăng rơgao hơnong mrô pơđoh apui, hrom hăng bruă pok pơhai hơdôm jơlan gah bôh thâo, gơnong bruă apui lơtrik pơtă mă yua apui pơkrem, lăp djơ̆ hăng pơhlôm tui tơlơi pơkă 4 djơ̆: “Djơ̆ mông, djơ̆ anih, djơ̆ hơdră hăng djơ̆ tơlơi kiăng hăng “Pơdjai apui lom ƀu mă yua” bĕ. Pui lơtrik Dak Lak ăt pơtrut kơtang mơn tơlơi pơhing lăi pơthâo truh mơnuih mă yua apui pơhlôm, pơkrem hluai tui hơdôm hră lăi pơhing hăng tui hơdôm măi mok pôr pơhing, website, plăng face book...