Ƀơi să Xuân Nha, Puih kơđông tơhan pơgang guai Chiềng Sơn ngă hrŏm hăng hơdôm anom bruă pơphun ngui “Bơyan bơnga pơ guai dêh čar, pơđao pran jua ană plơi”, brơi gơnam kơ sang anŏ rin, rin plai ƀiă, sang anŏ kơnuk kơna djru na nao, čơđai sang hră hăng rơnoh prăk djru 900 klai.

Khua ding jum lăng yom, bơni biă kơ pran jua gơgrong bruă, thâo ngă hrŏm mơ̆ng tơhan pơgang guai amăng bruă lăng ba tơlơi ƀong Tê̆t kơ Mơnuih ƀôn sang, bong kjăp guai dêh čar. Ƀrô tal anai, grup khua hơmâo nao čuă, ƀơk gơnam kơ sang anŏ yă Đỗ Thị Nghị, kual 4, să Chiềng Sơn, jing bơnai tơhan djai pơsăn drơi kơ lŏn ia; nao čuă, mă bruă ƀơi Jơnum min mơnuih ƀôn sang să Chiềng Sơn. Grup khua Ding jum bruă hmua hăng ayuh hyiăng hơmâo brơi 30 anung gơnam kơ 30 boh sang anŏ rin, sang anŏ kơnuk kơna juăt djru, mơnuih mă bruă tơnap tap ƀơi să Chiềng Sơn, Sóng Lập; brơi 500 klăk prăk kơ Keh prăk yua kơ mơnuih ƀun rin tơring čar Sơn La.