Khua git gai Ping gah tŭ yap, bơni biă kơ tơlơi gir run, hơdôm bruă hơmâo ngă amăng hrơi blan rơgao; lăi dlăm bruă pok pơhai Tơlơi pơtrun Jơnum ping gah dêh čar tal 14 amăng 5-10 thun pơ anăp yom biă mă jing thun blan pơphun brơi tơlơi gơñăm nao 100 thun akŏ pơdong Ping gah hăng ngă atur čơkă 100 thun akŏ pơdong kơnuk kơna.

Khua git gai ping gah kiăng ƀôn prong Hồ Chí Minh pơsit tơlơi gơgrong ba jơlan hlâo, ngă gru; pơsit tơlơi pơtrun hăng hơdôm jơlan hơdră ngă bruă yom, bruă mă rơđah rơđông, pơƀuh rơđah tơlơi gơgrong bruă, ngă rơđah hrơi pơkă; pok pơhai tŭ yua hơdôm tơlơi pơtrun akŏ phun hăng pơphun truh kih ruah khua pơ ala mơnuih ƀôn sang dêh čar tal 16, khua mua pơ ala mơnuih ƀôn sang djŏp gưl, pơhlom dưi ngă pô, rơnuk rơnua, djơ̆ tơlơi phiăn. Khua gai gai Ping gah kiăng ƀôn prong pơƀut pơklaih hĭ tơlơi dŏ đom, ngă gun, pơgăn bruă đĭ kyar; pơplih prong gah tơlơi phiăn, tơlơi pơkă, anih anom sang dŏ, jơlan nao rai, mơnuih mă bruă; pơplih hơbô̆ bruă đĭ kyar dlăm; pơtrut tui boh tŭ yua mơ̆ng tơlơi phiăn hơdră djru phara hơjăn; ƀơ ƀrư̆ akŏ pơjing sang bruă prăk prong, logistics, pơčeh phrâo hmư̆ hing amăng kual hăng ƀơi jar kmar./.