Tơdơi kơ pơmut hrŏm bruă pơtô hrăm đơ đam tơring čar hơmâo rơbêh 1.370 boh sang hră, anih pơtô hrăm, bơwih brơi pơtô hrăm rơbêh 700.000 čô čơđai sang hră, mơnuih kiăng hrăm hră, amăng anun hơmâo 38.400 čô mơnuih apăn bruă, nai pơtô hrăm hră. Thun hrăm laih rơgao, tơring čar hơmâo tŭ mă lu boh tơhnal pơtô hrăm truh 99,9% čơđai gah yŭ kơ 6 thun mut hrăm anih 1; 99,7% mrô čơđai sang hră hrăm giong gưl sa; hrăm dưi rơgao hĭ tal pơplông abih anih 12 truh 98,46%.

Yak nao amăng thun hrăm phrâo, anom bruă pơtô pơjuăt hơmâo pơtum 10 mơta bruă mă phun; pơđĭ tui boh tŭ yua tơlơi thâo kơ ƀing nai pơtô hrăm hră, pơblih phrâo jơlan hơdră, hơdrôm hră pơtô hrăm; pơđĭ tui tơlơi pơtô hrăm kơđi čar, tơlơi pơmin, pran jua hiam klă, tơlơi thâo ba yua mrô; pơtrut ba yua mrô, ngă kơjăp tui bruă pơtô hrăm hră gưl pơyŭ, pơtô kiăng lŏm lui ƀu thâo hră; pơđĭ tui gơnam yua mă bruă, sang hră hrăm kơjăp hơđong hăng pơtrut tơlơi pơplông, akŏ pơdong sang hră thâo pơčeh phrâo bruă pơtô hrăm, rơguăt tơpaw hnơ̆ng.