VOV4.Jarai - Ƀơi anăp tơlơi kaih amăng bruă pok pơhai ngă tui bruă pơhrăm brơi kơ hơdôm bôh sang anô̆ bơdjơ̆ nao ƀơi kual hlung dơnao ia gah ring bruă drai ia pơkĕ apui lơtrik Đăk Psi 5, Gơnong bruă sĭ mơdrô tơring čar Kontum hmâo rơkâo pô tuh pơplai rơwang bruă anai lĕ Sang bruă pơčruh prăk hrom bơwih ƀong Đức Thành Gialai khom ngă giong bruă tla prăk djru kơ hơdôm bôh sang anô̆ mơnuih ƀôn sang bơdjơ̆ nao hlâo kơ lơ 30/6/2022, tơdah ƀu ngă giong Gơnong bruă amra pơphô kơ Jơnum min mơnuih ƀôn sang tơring čar rơkâo Phun akha Sang bruă apui lơtrik kual Tŏng Krah dêh čar  pơdơi pơhrui jua kơtang mơng sang măi.

Sa đang kơ phê bơdjơ̆ nao yua kơ drai ia pơkĕ apui lơtrik Đăk Psi

Bôh than ba truh kaih amăng bruă pơ ala glăi prăk, djru hơdôm bôh sang anô̆ mơnuih ƀôn sang bơdjơ̆ nao amăng kual hlung dơnao ia gah ring bruă drai ia pơkĕ apui lơtrik Đăk Psi 5 tui Gơnong bruă sĭ mơdrô tơring čar Kontum lĕ yua: Sang bruă Đức Thành Gialai dô̆ jăm kơ ayuh hyiăng ƀu klă ngă hăng bruă mă yua mơng hơdôm ring bruă drai ia pơkĕ apui dlông hloh, anun kơƀah tơlơi gơgrong amăng git gai, gum hrom... pel ĕp, lăng glăi, yap glăi anô̆ răm rai ngă tui bruă pơ ala glăi, djru hơdôm bôh sang anô̆ mơnuih ƀôn sang tui tơlơi pơkă kiăng hơđong bruă ngă đang hmua ba truh bruă rơkâo lu wot hăng sui hrơi./.

Siu H’ Prăk: Pơblang