VOV4.Jarai - Anom bruă wai lăng đang glai, Ding jum ngă hmua hăng pơđĭ kyar ƀon lan phrâo hơmâo akŏ bruă kiăng pơplih glăi amăng gơnong bruă wai lăng đang glai tui hơdră pơlir hơbit hăng ba glăi rơnoh yôm rơwang thun 2021-2025. Tui anun, anom bruă gir run ba sĭ mơdrô pơ tač rơngiao gơnam pơkra mơng kyâo hăng hơdôm gơnam pơkŏ dưm dưm 18 klai đôlar Mi truh pơ 20 klai đôlar Mi amăng rơwang thun 2021-2025. Tui hăng akŏ bruă pơtrun, anăp nao hơnong pơkă, gơnong bruă wai lăng đang glai đing nao pơtrut klă dong amăng pơkra pơjing kyâo pơtâo, pơtô hrăm brơi mơnuih mă bruă thâo rơgơi. Tŏ tui pơtrut djop anih anom, mă yua boh thâo măi mok hăng hơdôm anŏ phrâo kiăng kơ tŭ mă abih hơdôm tơlơi dưi, tơlơi gal hăng anŏ yôm mơng glai rưng, pơđĭ kyar hơđong kjăp amăng gơnong bruă wai lăng đang glai.

Siu Đoan: Pơblang