VOV4.Jarai - Lơ 12/1, ƀơi Hà Nội, Anom pơphô bruă gơnong glông pơphun Jơnum lăng nao rai mơng ataih hăng đơ đam dêh čar kiăng kơ lăng glăi bruă mă amăng gơnong pơphô bruă Ping gah thun 2021 hăng pok pơhai bruă amăng thun 2022. Ơi Phan Đình Trạc, Ding kơna Ding jum kơđi čar, Khua apăn bruă Ping gah, Khua anom pơphô bruă gơnong glông, Kơ-iăng Khua khul git gai gơnong glông kơ bruă pơgăn hưp ƀong kông ngăn, bruă ngă soh hơmâo git gai mông jơnum.

Đĭ pơhiăp amăng pơđut mông jơnum, ơi Phan Đình Trạc pơsit tong bruă pơphô bruă Ping gah thun 2021 ba glăi lu tơlơi yôm phăn amăng djop mơta. Kơ bruă mă phun amăng thun 2022, ơi Phan Đình Trạc rơkâo abih bang gơnong pơphô bruă Ping gah klă dong amăng kơsem min, hơmâo tơlơi pơtrun phrâo lăi pơthâo Ping gah kơ bruă pơgăn hưp ƀong kông ngăn hăng pơplih pơkra tơlơi phiăn, amăng anun tañ pơgiong hơdôm akŏ bruă pơprong mơ-it nao Khul apăn bruă Ping gah, Ding jum kơđi čar, Khua git gai Ping gah tơlơi pơkă.

Siu Đoan: Pơblang