VOV4.Jarai - Mơguah lơ 15/7, Grŭp pơtô juăt bruă Ping gah dêh čar ta pơphun Jơnum klah čun bruă mă 6 blan akô̆ thun hăng pok pơhai bruă mă 6 blan rơnuč thun. 6 blan rơgao Grŭp pơtô juăt bruă Ping gah dêh čar ta hmâo pok pơhai klă 20 akô̆ bruă, klah čun hơdôm tơlơi pơtrun pơsit, tơlơi črâo ba, klah čun mơng Kơnuk kơna; mă yua 6 akô̆ bruă lăi pơthâo glăi Ding jum kơđi čar, Grŭp git gai Ping gah; pơphô bruă kơ Ding jum kơđi čar, Grŭp git gai Ping gah hăng ƀơi anăp pơphun truh kih hơdôm bruă Jơnum kơsem min, hrăm tui, lăi pơthâo abih hơdôm tơlơi pơtrun pơsit, črâo ba, klah čun mơng Ping gah dêh čar tal 13.

Hrom hăng anun, črâo ba pơtô ba abih bang amăng gơnong bruă pơtô juăt ping gah pơtrut kơtang bruă pơdŏng Ping gah gah bruă kơđi čar, tơlơi pơmin, pran jua. Jơnum pơsit pơ̆ anăp anai, Grŭp pơtô juăt bruă Ping gah dêh čar đing nao pơdŏng hơdôm akô̆ bruă lăi pơthâo glăi, klah čun hơdôm tơlơi pơtrun pơsit, črâo ba, klah čun, tơlơi pơsit, pơkă lăi pơthâo kơ Grŭp mă bruă Ping gah, Ding jum kơđi čar, Grŭp git gai Ping gah, pơhlôm klă, rơnoh bruă./.

Siu H’ Prăk: Pơblang