VOV4.Jarai - Mơguah lơ 2/6, Grŭp hyu mă bruă mrô 3 mơng Grŭp črâo bruă pơgang pơgăn hưp ƀong kông ngăn, tơlơi ƀu klă dêh čar ta mă bruă hăng Grŭp apăn bruă Ping gah tơring čar Quảng Ninh kiăng pok pơhai Kơčăo bruă mơng Grŭp črăo bruă.

Bôh yôm pel ĕp đing nao bruă git gai, črâo bruă, pơphun ngă tui bruă thâo, pơtô glăi, tŭ mă, pơsir tơlơi ƀom, tơlơi pơhing kơ pô ngă soh, rơkâo tơgŭ kơđi hmâo gru nam hưp ƀong kông ngăn, bơwih ƀong ƀu klă hăng bruă lăng glăi, pơsit kông ngăn amăng pơsir hơdôm kơđi tơlơi, kơđi tơlơi hưp ƀong kông ngăn, tơlơi bơwih ƀong, tơlơi ƀu klă. Hluai tui pel ĕp kiăng pơsit bôh tơhnal dưi ngă, hơdôm tơlơi akă dưi ngă, bôh than ba truh amăng git gai, črâo bruă hăng pơphun ngă tui mơng hơdôm gưl ping gah, khul grŭp ping gah hăng ƀirô apăn bruă. Mơng anun, thâo, rơkâo đĭ pơsir hơdôm kơđi tơlơi hmâo gru nam ngă soh phiăn gah hưp ƀong kông ngăn, tơlơi ƀu klă./.

Siu H’ Prăk: Pơblang