VOV4.Jarai - Čơtlăm lơ 9/2, Khua mir sir dêh čar ta, ơi Nguyễn Xuân Phúc phrâo kĭ Tơlơi pơsit ƀơk Miđai mă bruă kơ Grŭp đah bôh lông đah kơmơi dêh čar ta, Khua pơhrăm đă bôh lông hăng hơdôm mơnuih đă bôh lông mơng Grŭp hmâo mă laih bôh than prong ngă brơi grŭp đă bôh lông đah kơmơi tal blung a amăng gru grua gum hrom rơwang đă bôh lông đah kơmơi rŏng lŏn tơnah (World Cup) 2023 mơng Khul đă bôh lông Rŏng lŏn tơnah. Hlâo kơ anun, tơdơi kơ grŭp đă bôh lông đah kơmơi dêh čar hmâo mă laih bôh tơhnal ƀơi anăp đă hăng Thái Lan lom lơ 2 Tết Nhâm Dần hăng dưi pô hăng grŭp Đài Bắc dêh čar Khač lom lơ 6 Tết phrâo rơgao, Khua mir sir dêh čar ta ơi Nguyễn Xuân Phúc leng kơ mơ-ĭt tơlơi bơni ƀing đah kơmơi đă bôh lông hăng Pô pơhrăm đă bôh lông Mai Đức Chung. Hrom amăng hrơi anun mơn, Khua mir sir dêh čar ta hmâo rơkâo Khua Ding jum bôh thâo, bơkơjăp drơi jăn hăng tuai čuă ngui hrom hăng Grŭp pơplông – apah pri bơni dêh čar ta ngă tui tañ hơdôm hră pơ-ar, djơ̆ tơlơi pơkă kiăng hmao apăh bơni 2 čô pô pơhrăm đă bôh lông, hrom hăng grŭp đă bôh lông đah rơkơi hăng đah kơmơi lŏn ia ta hmâo laih bôh than prong./.

Siu H’ Prăk: Pơblang