Amăng hơdôm hrơi nao čuă, grup hơmâo mông pơbưp, mă bruă hăng ƀing Khua mua giang mah Brazil-Việt Nam; Jơnum giang mah Brazil-Việt Nam; Ping gah Cộng sản Brazil hăng Ping gah mơnuih mă bruă Brazil. Mă bruă hăng ƀing khua mua giang mah Brazil-Việt Nam, dua bơnah bơtŭ ư brơi thâo, Việt Nam hăng Brazil hơmâo lu tơlơi dưi, tơlơi gal kiăng djru nao rai. Pơlăi nao rai kơ ngă hrŏm bơwih ƀong huă, dua bơnah brơi thâo, boh than ba glăi aka ƀu lăp djơ̆ hăng tơlơi dưi hăng tơlơi rô nao rai ngă hrŏm yôm phăn djop mơta.

Ơi Lê Hồng Quang rơkâo Khua pơ ala mơnuih ƀon sang dêh čar Brazil, sit biă ñu ƀing khua mua giang mah Brazil-Việt Nam, tŏ tui dong yua kiăng pơgiong tơhnal pơkă, ngă gêh gal brơi anom bơwih ƀong sĭ mơdrô dua bơnah dưi tuh pơ alin, sĭ mơdrô; pơtrut ngă hrŏm amăng djop mơta bruă anun lĕ ngă hmua yua boh thâo phrâo, bruă pơkra gơnam, apui lơtrik pơkra glăi, pơplih mrô, boh thâo phrâo, logistics hăng pơtô mơnuih mă bruă.