VOV4.Jarai - Lơ 20/7, Grŭp lăng tui mơng Khua pơ ala mơnuih ƀôn sang dêh čar ta yua kơ Thượng tướng Trần Quang Phương, Kơ-iăng Khua git gai wai lăng pơ ala mơnuih ƀôn sang dêh čar ta ngă Khua Grŭp hmâo mă bruă hăng Jơnum min mơnuih ƀôn sang tơring čar Thanh Hoá kơ ngă tui pơkrem, pơgăn prai prăk khưi khai rơwang mơng 2016-2021. Amăng mông mă bruă, Khua Jơnum min mơnuih ƀôn sang tơring čar Thanh Hoá hmâo lăi pơthâo glăi bruă ngă tui hơdră bruă gum djru, tơlơi phiăn ngă tui pơkrem, pơgăn prai prăk khưi khai amăng wai lăng, mă yua ngăn drăp rơwang 2016-2021. Pơhiăp amăng mông mă bruă, Thượng tướng Trần Quang Phương, Kơ-iăng Khua git gai wai lăng pơ ala mơnuih ƀôn sang dêh čar ta rơkâo Jơnum min mơnuih ƀôn sang tơring čar Thanh Hoá tŭ mă tơlơi gum pơhiăp mơng hơdôm ding kơna amăng Grŭp lăng tui, đing nao črâo ba hơkrŭ pơsir hơdôm tơlơi akă dưi ngă, pơjing jơlan pơplih lơm lăng tui mơtăm. Kơtưn črâo ba, git gai, pơphun ngă tui hluai tui hơdôm bruă ngă tui pơkrem, pơgăn prai prăk khưi khai, phun than lĕ pơplih kơtang bruă tuh pơplai bơwih ƀong huă sĭ mơdrô, kiăng iâu pơhrui đut hlah ngăn rơnoh kơ tuh pơplai pơđĭ kyar./.

Siu H’ Prăk: Pơblang