VOV4.Jarai - Čơtlăm lơ 2/3, Grŭp lăng tui mơng Khua pơ ala mơnuih ƀôn sang mă bruă hăng Ding jum man pơdŏng kơ ngă tui Tơlơi phiăn pơkă kual. Amăng mông mă bruă, Grŭp lăng tui mơng Khua pơ ala mơnuih ƀôn sang pơsit dô̆ hmâo tơlơi kaih amăng bruă pơdŏng 2 kual pơkă gơnong bruă mơng lŏn ia: Pơkă kual plơi prong hăng plơi pla hăng pơkă kual hyu hơduah ĕp pơkra, hăng yua kông ngăn dlai klô lĕ gơnam man pơdŏng. Lăi pơblang rơđah bôh than ngă kaih, Khua ding jum man pơdŏng Nguyễn Thanh Nghị, brơi thâo: Pơkă tơlơi phiăn phrâo rơkâo kơ jơlan gah pơdŏng, hơdră pơkă kual tui jơlan gah ruah mă kiăng hmâo tơlơi gum hrom, ha amăng plĕ mơng hơdôm gơnong bruă, hơdôm gưl. Kơ-iăng Khua git gai wai lăng pơ ala mơnuih ƀôn sang Nguyễn Đức Hải rơkâo Ding jum man pơdŏng pel ĕp glăi dong, hmâo tơlơi lăi pơthâo glăi tơlơi pơblang rơđah hơdôm tơlơi dưi hmâo mơnuih amăng Grŭp lăng tui ba tơbiă, amăng anun đing nao ngă giong 2 tơlơi pơkă gơnong bruă lŏn ia kiăng lăi pơthâo kơ Khua dêh čar pơsit amăng blan 12 thun anai./.

Siu H’ Prăk: Pơblang