VOV4.Jarai - Mơguah lơ 15/6, Grŭp mă bruă Ping gah dêh čar ta ơi Võ Văn Thưởng hmâo mông mă bruă hăng khua mua Sang hră pơtô bruă kơđi čar Hồ Chí Minh dêh čar ta. Amăng mông mă bruă, Sang hră pơtô bruă kơđi čar Hồ Chí Minh dêh čar ta rơkâo Grŭp mă bruă Ping gah dêh čar ta pel ĕp pơsit Akô̆ bruă pơtô pơhrăm mơnuih pơtô bruă pơblang tơlơi kơđi čar gưl đại học kơ nai pơtô pơblang bruă kơđi čar kiăng djơ̆ hăng phun ñu hăng sui thun kơ mơnuih apăn bruă, nai pơtô mơng hơdôm bôh Sang hră pơtô bruă kơđi čar tơring čar, ƀôn prong. Pơkă čơđai pơhrăm bruă pơtô pơblang bruă kơđi čar dưi čơkă mă prăk djru kah hăng čơđai ƀơi hơdôm bôh sang hră pơtô sĩ quan khul ling tơhan, kông ang. Ơi Võ Văn Thưởng rơkâo pơjing dong Sang hră pơtô bruă kơđi čar Hồ Chí Minh dêh čar ta jing anih kơsem min pơblang bruă lŏn ia. Amăng anun đing nao bruă pơtô juăt mơnuih apăn bruă pơtô pơhrăm gah Ding jum kơđi čar, Grŭp mă bruă Ping gah wai lăng. Pơdŏng, pơlar Sang hră Ping gah abih bang, djơ̆ hăng Sang hră Ping gah djă anăn Khua mir sir Hồ Chí Minh krên dên hăng jing anih pơtô juăt kơsem min prong hloh mơng Ping gah./.

Siu H’ Prăk: Pơblang