Mơguah lơ 28/7, Grup sem lăng mrô 892 mơ̆ng Khul git gai ping gah dêh čar yua ding kơna Khul git gai ping gah, Kơ-iăng khua dêh čar ơi Lê Minh Khái ngă khua grup hơmâo mă bruă hăng hăng khua mua apăn bruă phun tơring čar Dak Lak pioh lăi pơthâo bruă akŏ pơjing Grup sem lăng hăng akŏ bruă sem lăng mơ̆ng Khul git gai ping gah dêh čar thun 2023 hăng Khul apăn bruă git gai phun ping gah tơring čar Dak Lak.

Boh yôm phun mơ̆ng tal sem lăng anai, pơphun hăng ngă tui Hră klah čun mrô 21 KL/TW, lơ 25/10/2021 mơ̆ng Khul apăn bruă ping gah dêh čar pơtrut bruă akŏ pơdong, ƀư̆ pơkra ping gah hăng tơlơi pơmin kơđi čar, pran jua, ai hơtai tơlơi dŏ dong ƀong huă, bruă ngă pơblih sat tơlơi pơmin, pran jua pơblih mă hơjăn pô. Pơtum nao amăng boh yôm phun anai pơtrut kiăng pơkơdong glăi tơlơi soh ƀong kông ngăn, phăk phai, răm ƀăm....Kơ-iăng khua dêh čar ơi Lê Minh Khái rơkâo djop ding kơna amăng grup pơphun pel ĕp djơ̆ tơlơi phiăn, tơpă, djơ̆ bruă, tŭ yua, ƀu ngă bơbeč truh kơ bruă mă mơ̆ng Khul apăn bruă phun git gai phun ping gah tơring čar Dak Lak hăng hơdôm anom bruă pơdjơ̆ nao.