Lơ 24/9, Grup khua mua pơ ala mơnuih ƀôn sang dêh čar ƀơi Lâm Đồng n nao bưp mơnuih ƀôn sang ruah khua tui hơdră bưp ƀơi anăp mơta ƀơi Sang jơnum prong ping gah tơring čar či Đà Lạt laih anun pơƀuh nao rai amăng tivi hăng 37 anih nao pơhmư̆ mơ̆ng ataih hăng 2000 čô mơnuih ƀôn sang ruah khua ƀơi să, phường.

Ƀơi mông bưp, Grup pơ ala lăi pơthâo : Jơnum lok 10, ƀing pơ ala mơnuih ƀôn sang dêh čar tal XV amra pơphun amăng lơ 20/10 truh lơ 12/12 pơ anăp, ƀing pơ ala mơnuih ƀôn sang dêh čar amra sem lăng, pơsit 43 mơta tơlơi phiăn, hră pơtrun; 12 khul boh yom phun gah tơlơi bơwih ƀong huă-mơnuih mơnam hăng lu tơlơi yom pơkŏn kơ dêh čar….

Mơnuih ruah khua ƀơi Lâm Đồng pơdah pran jua đăo kơnang kơ tơlơi git gai mơ̆ng Ping gah, bruă krăp lăng mơ̆ng ƀing pơ ala mơnuih ƀôn sang dêh čar, tơlơi git gai khut khăt mơ̆ng kơnuk kơna dêh čar tơlơi pơđĭ kyar  bơwih ƀong huă-mơnuih mơnam, pơhlôm hơđong tơlơi rơnuk rơnua plơi pla lŏn ia. Mơnuih ruah khua rơkâo ngă tui tơlơi git gai mơ̆ng Ding jum kơđi čar brơi sem glăi jơlan hơdră pơtô hrăm djop gưl, pơhlom djop hơdrôm hră hrăm ngă tui sa mơta hơdrôm hră amăng đơ đam dêh čar. Mơnuih ruah khua ƀơi djop să kual ataih amăng tơring čar, ăt đing nao mơ̆n kơ bruă čuk pơkra jơlan nao rai, kiăng gêh găl bơwih ƀong huă hăng pơtrut bruă sĭ mơdrô. Amăng bruă ngă tui hơbô̆ gong gai kơnuk kơna dua gưl, dŏ hơmâo mơ̆n anŏ gun, aka ƀu găl kiăng tañ pơsir hĭ hmao kru pioh kơ anom bruă kơnuk kơna dưi mă bruă hruaih.