Grup pơ ala mơnuih ƀôn sang dêh čar tơring čar Dak Lak bưp mơnuih ruah khua tơdơi kơ jơnum lok 8
Thứ ba, 12:09, 10/12/2024
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Tlam lơ 9/12, Grup khua mua pơ ala mơnuih ƀôn sang dêh čar tơring čar Dak Lak jơnum bưp mơnuih ruah khua tơdơi kơ jơnum lok 8. Jơnum anai, pơphun ƀơi plơi prong Ƀuôn Ma Thuôt laih anun pok hơdră bơlăng nao rai amăng tivi hăng hơdôm tơring glông: Krông Pač, Krông Ƀŭk, Čư̆ Mgar, Krông Năng, Ea Sup hăng Ƀuôn Đôn.
Ƀơi mông jơnum, mơnuih ruah khua tơring čar Dak Lak hơmâo rơkâo đĭ lu tơlơi pơgôp hiăp, rơkâo anom bruă kơnuk kơna pơdjơ̆ nao jơlan hơdră pơtrun kơ bruă bơwih ƀong huă mơnuih mơnam tơring čar kah hăng: djru ngă tui Hơdră pơđĭ kyar wai lăng glai rưng hơđong; pơpha rơnoh prăk ngă tui hơdră man pơdong plơi pla phrâo.
Mơnuih ruah khua ƀơi Dak Lak ăt rơkâo djop ding jum, anom bruă, tơring čar đing nao hloh kơ bruă pơtrut brơi pơsir lŏn dŏ, lŏn ngă hmua hăng tui Hơdră pơtrun mơ̆ng dêh čar pơđĭ kyar bơwih ƀong huă mơnuih mơnam kual djuai ƀiă hăng čư̆ siăng; bruă duh glăi kơ sang anŏ kơnuk kơna mă glăi lŏn pioh man pơdong sang măi drai apui lơtrik Srepok 3, hơdră lŏm lui sang tơ̆i, sang răm kơ mơnuih ƀôn sang.
Viết bình luận