VOV4.Jarai - Mơguah lơ 2/3, ƀơi Sang bruă Khua pơ ala mơnuih ƀon sang dêh čar, Khul khua wai lăng mơng Ƀirô khua git gai pơ ala mơnuih ƀon sang dêh čar kơ “Bruă ngă tui tơlơi djru, tơlơi phiăn kơ bruă dưm dăp bruă mă dong mơng hrơi Tơlơi phiăn dưm dăp hlâo bruă mă dưi mă yua” yua Kơ-iăng khua git gai pơ ala mơnuih ƀon sang ơi Nguyễn Đức Hải ngă khua khul hơmâo mông ngă bruă hăng Ding jum pơkra gơnam sĭ mơdrô. Ƀơi mông ngă bruă, khul wai lăng kiăng Ding jum pơkra gơnam sĭ mơdrô pơƀut ngă giong 5 mơta tơlơi dưm dăp anom bruă dêh čar, biă ñu hăng bruă dưm dăp ngă apui lơtrik 8. Khul khua wai lăng ăt kiăng ngă rơđah anŏ gal či dưm dăp gah bruă pơkra gơnam sĭ mơdrô, ăt kah hăng anŏ klă mơng bruă dưm dăp prăp rơmet, laih dong pơtŏng glăi bruă sem lăng, pơplih djơ̆ hrŏm hơdôm bruă ngă mơng bruă anai hăng tơlơi dưm dăp bruă ngă mơng dêh čar pơkŏn, yua sit biă ñu ră anai aka ƀu hơmâo tơhnal gal ôh. Kơ-iăng khua git gai pơ ala mơnuih ƀon sang dêh čar ơi Nguyễn Đức Hải kiăng Ding jum Pơkra gơnam sĭ mơdrô lăng glăi dong, lăi glăi rơđah hơdôm bruă hơmâo ƀing khua lăi nao.

Siu H’Mai: Pơblang