Tlam lơ 24/9, ƀơi Phường Ƀuôn Ma Thuột, Gơnong bruă Tuai čuă ngui Hà Nội ngă hrŏm hăng Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak, Gia Lai, Khánh Hòa, Lâm Đồng hăng Quảng Ngãi, jơnum ĕp bruă ngă hrŏm, lăi pơthâo bruă tuai hyu ngui.

Jơnum anai, kiăng kơtưn pơtruh nao rai, pơđĭ tui tơlơi gêh găl mơ̆ng 6 boh tơring čar, anăp nao akŏ pơjing rai gơnam sĭ mơdrô ƀơi hơdôm tơring čar, djop tơring amăng kual, pơhưč lu tuai hyu ngui đing nao pă mơta gơnam gru grua phun: gru grua hiam-kông ngăn gru grua đưqm; lŏn mơnai glai klô-dŏ glăi amăng plơi pla- mơnong ƀong huă-blơi gơnam tam; tuai čuă ngui ngă hrŏm jơnum bơkơtuai, jơnum hăng ngui pơrơguăt drơi jăn. Laih lăi pơthâo gơnam sĭ mơdrô phun brơi tuai hyu ngui, kah pơpha tơlơi thâo thăi amăng bruă mă, akŏ pơjing bruă ba tuai hyu ngui ĕp lăng gru grua hiam, bruă ngă hmua; pơdah thâo pơđĭ kyar bruă wai lăng lŏn glai hiam pioh hyu ngui, pơphô brơi bruă git gai wai lăng hăng pôr pơthâo kiăng dưi pơtruh nao rai  tañ, tơpă rơđah rơđong plah wah hơdôm sang bruă mơdrô hăng tuai hyu ngui.

Gơnong bruă tuai čuă gnui Hà Nội hăng Gơnong bruă Gru grua, Pơrơguăt drơi jăn hăng Tuai čuă ngui 5 boh tơring čar: Dak Lak, Gia Lai, Lâm Đồng, Quảng Ngãi, Khánh Hòa hơmâo kĭ hră pơkôl ngă hrŏm bruă tuai čuă ngui mơ̆ng thun 2026-2030.

Anai lĕ yak rơbat yom biă mă, djru pơtrut ngă tui bruă hơdai gum hrŏm, pơđĭ kyar hơđong kơjăp thun blan pơ anăp.