VOV4.Jarai - Đĭ pơhiăp amăng mông jơnum lăng glăi bruă pơgang klin Covid-19 amăng ƀôn prong tlam mơmŏt lơ 17/2, ơi Chử Xuân Dũng, Kơ-iăng Khua Jơnum min mơnuih ƀon sang ƀôn prong Hà Nội brơi thâo, Khul apăn bruă Ping gah ƀôn prong hơmâo tŭ ư kơ bruă brơi ƀing čơđai anet pơwŏt glăi nao sang hră dong mơng lơ 1/3; jao gơnong bruă pơtô pơjuăt sem lăng, pơjing akŏ bruă, rơkâo đĭ, lăi pơthâo hơdôm boh tơhnal anai, lơ̆m anun ăt đing nao hơdôm hơdră pơhlôm rơnuk rơnua, hơdeč hmar, tŭ yua samơ̆ anăm ngă tơnap đơi ôh kiăng kơ djơ̆ hăng tơlơi čang rơmang mơng mơnuih ƀon sang. Ơi Chử Xuân Dũng rơkâo djop gưl, gơnong bruă, gong gai ƀon lan gum hrŏm, lăng anai lĕ bruă yôm phun, gơgrong gum hrŏm hăng sang hră pơphun khut khăt bruă pơgang klin, pơhlôm bruă pơtô hrăm brơi rơnuk rơnua, pok pơhai ha amăng plĕ amăng bruă brơi čơđai pơwŏt glăi nao sang hră, hơmâo mơnuih ƀon sang, sang hră, ƀing čơkă tŭ ư hăng pran jua hur har mơ-ak.

Siu Đoan: Pơblang