VOV4.Jarai-Kiăng prăp lui pơgang klin, amăng bơyan pơdơi ngă yang  thun phrâo djuai ania ta, thun Nhâm Dần, ƀôn prong Hà Nội pơtrun hiăp kơ djop tơring glông, plơi pla prăp lui hlâo hŭi hơmâo tơlơi ječ ameč, yua amăng ƀôn prong hơmâo laih mơnuih ƀă djuai kman phrâo Omicron. Hơdôm hrơi rơgao, rĭm hrơi ƀôn prong čih pioh hơmâo 2.900 čô mơnuih ƀă. Mrô mơnuih ƀă ră anai dưi pơgang klă mơ̆n, samơ̆ ăt hŭi pơ anăp anai mrô mơnuih ƀă lăi pơthâo hrŏ tui samơ̆ ƀu tong ten yua kơ mơnuih ƀôn sang glăi pơdơi ngă yang thun phrâo hăng sang anŏ pơ kual plơi pla tơring čar pơkŏn laih anun tơdơi kơ hrơi tết glăi mă bruă.

Ră anai, ƀôn prong hlăk hnong hŭi rơhyưt mrô 2 amăng bruă pơhlôm, pơgang klin. Ƀôn prong anai čih pioh hơmâo 14 čô mơnuih ƀă djuai kman phrâo Omicron. Kman phrâo anai hơmâo ƀơi Hà Nội, hŭi biă ƀă hyu amăng plơi pla. Yua kơ anun, kiăng ĕp lăng tong ten hăng ngă tui hơdră pơgang kjăp hloh hăng djuai kman phrâo anai. Gơnong bruă ia jrao Hà Nội rơkâo mơnuih ruă ƀă klin hăng sang ia jrao pơphun pơgang tong ten, pơjrao hăng pơgang mơnuih ruă ječ ameč laih anun pơgăn mơtam hmao kru, ƀu dưi hơngah ƀudah ngă kaih amăng bruă pơjrao mơnuih duăm ruă.

Nay Jek: Pơblang