Pơhiăp ƀơi mông ngui adoh suang “Anih mơyang Đồng Lộc - pơtruh gru grua hơdôm rơbâo thun” pơphun amăng rơnuč rơwang hrơi tơjuh rơgao, ƀơi Anih gru đưm Jơlan člah klâo Đồng Lộc, Kơ-iăng khua mir sir yă Võ Thị Ánh Xuân čang rơmang “ping gah, gong gai, ling tơhan hăng mơnuih ƀôn sang tơring čar Hà Tĩnh ngă klă hloh dong bruă hơdor tơngia, lăng ba tơlơi hơdip mơnuih djru hơkrŭ lŏn ia; pơtrut hloh dong gru grua boh thâo, tơhan sông kơtang mơ̆ng lŏn, ngă pơhưč pran jua hrưn đĭ mơ̆ng mơnuih ƀôn sang Hà Tĩnh, čih pioh dong gru grua hing ang čư̆ Hồng Sông La amăng rơnuk phrâo”.

Jơlan hơdră adoh suang “Anih mơyang Đồng Lộc - pơtruh gru grua hơdôm rơbâo thun” yua Hră pơhing Nhân dân, Khul hlăk ai rơnuk Hồ Chí Minh hăng tơring čar Hà Tĩnh pơphun ngă. Jơlan hơdră hơmâo 3 bơnah, djru ƀing tuai nao lăng ƀuh glăi gru grua hing ang mơ̆ng đưm hlâo. Jơlan hơdră anai hơmâo ngă tŏ tui, mơ̆ng tơlơi pơmin truh pơ bruă ngă; mơ̆ng tơlơi kiăng khăp rơnuk hlăk ai kơsung nao hlâo blah ngă, djai drơi pô yua kơ tơlơi rơngai, pơlir hơbit lŏn ia truh pơ pran jua gir kơtir mơ̆ng rơnuk anai akŏ pơdong lŏn ia pơdrong asah, kơtang.