VOV4.Jarai-Mơguah lơ 30/5, ƀơi sang bruă gru grua gah Ngŏ, tơring čar Hải Dương jơnum bưp nao rai ƀing ngă bruă sĭ mơdrô mơ̆ng dêh čar Japan thun 2022 hăng akŏ tơlơi jơnum “Hải Dương-Tơlơi gêh găl hăng anŏ hơmâo tuh pơ alin FDI”. Rơgao 25 thun pơhưč prăk tuh pơ alin FDI, truh ră anai, hơmâo laih 490 kơčăo bruă tuh pơ alin mơ̆ng tač rơngiao tuh pơ alin ƀơi Hải Dương; amăng anun hơmâo 60 kơčăo bruă mơ̆ng Japan hăng rơnoh prăk čan giăm 1 klai 500 klăk dolar Mi, dong tal dua mrô kơčăo bruă hăng rơnoh prăk čan FDI ƀơi Hải Dương.

Ơi Phạm Xuân Thăng, Khua git gai Ping gah tơring čar Hải Dương lăi, Hải Dương lĕ sa amăng hơdôm anih tuh pơ alin mơ̆ ƀing sĭ mơdrô mơ̆ng Japan đing nao. Ƀơi mông jơnum mơtam, khua mua tơring čar Hải Dương hơmâo pơblang brơi hơdôm tơlơi tơña mơ̆ng ƀing sĭ mơdrô, pơsir mơtam tơlơi dŏ gun; pơpŭ bơni kơ hơdôm boh anom bruă sĭ mơdrô dêh čar Japan ba gru hlâo mă bruă, pơkra ming sĭ mơdrô hăng djru hrom prong rơnoh prăk kăk kơnuk kơna ăt kah hăng kơ tơring čar Hải Dương.

Nay Jek: Pơblang